De Woihnachtskaktus

Aus Kaktus und Kuebel

Im Sommer neununneunzisch hat moi Fraa e Grienpflanz haamgebracht, von der se behaupt hat, dass des en Woihnachtskaktus wär. Debei hatt der net emal Nadele gehabbt. Un besonners woihnachtlich hadder aach net ausgesehe. Äwe nur grien mit seltsam geformde Blädder.
"Un warum heeßt des Ding Woihnachtskaktus?" habb ich mich bei moiner Regierung erkundischt.
"Weil er an Woihnachde blieht", hat mer moi Fraa erklärt. "Mer mussen im Sommer nur e bissie wenischer gieße, awwer dann ab Sepdember ....! Un dinge muss mer´n dann ach."
"Mit Kuh-A-A?"
"Naa, mit Blumme-Dung, du Depp!"
Genau so hatt se´s dann aach gemacht, moi besser Hälft: im Sommer e bissie wenischer gegosse, awwer dann ab Sepdember... Ab Ende November hatt se den sogenannde Woihnachtskaktus dann dääschlisch mehrmal erwaddungsvoll besischdischt. Awwer an dem griene Gestripp hat sich nix gedah. E bissie gewachse worer middlerweile, awwer von Knosbe, die späder Bliede wärn dähde, wor nix zu seh.
"Vielleicht häddsde doch statt Blumme-Dung Kuh-A-A nemme solle?" habb ich gemaant. "Odder Gäuls-Äbbel!"
"Un wo hädde mer des hernemme solle?" hat se geantwortet. "Bei uns gibt´s weit un breit kaa Kih un kaa Gäul mehr."
"Un wann ich ...? Dinge, maan ich ..."
"Halt bloß de Mund!" hat se mich aagefaucht. "Wehe, du unnerstest dich!"
Also habb ich de Mund gehalde un mich aach net unnerstanne. Wie gieße un dinge nix genutzt habbe, hat moi Fraa den Woihnachtskaktus gestreichelt un gekisst, haddem jeden Daach gesacht, wie schee dass er wär - vergeblich! Der kerl hat aafach net bliehe wolle.
An Woihnachde hat er als noch net geblieht, dieser bleede Woihnachtskaktus. Da hätt se´n am liebsde fortgeschmisse. Stinksauer wor se. Wenn´s nach ihr gegange wär, hätt Woihnachde diesjohr ruhisch ausfalle kenne.
Die Juwele, die ich ihr am Heilischabend unner de Christbaam geleescht habb, de Jaguar, des Haus uff Mallorca, die Weltreis hawwe se iwwerhaupt net indressiert.
"Warum blieht der Säukerl net?" war die Fraach. Sonst nix.
Sie hadden dann ins Gäsdezimmer verbannt un sich nie mehr um ihn gekimmert. Awwer ich! An Osdern hadder dann herrlich geblieht. Weil´s nämlich kaan Woihnachts-, sonnern en Osderkaktus wor. Als ob ich so was geahnt hätt!

Dieter Adam Hessisches Adventskalenderbuch ISBN 3-933575-81-8 Verlag M. Naumann, Nidderau Weitere Informationen unter www.vmn-naumann.de Veröffentlichung mit freundlicher Genehmigung des Verlages, vielen Dank dafür. A.L. 10.02.2006